يقال الكثير عن هذا وذاك. لذا لا داعي للتكرار. فقط أريد أن أدلو بإحباطي أن الثورة قامت وأناس ماتوا لكي تكون جولة الإعادة بين الفلول بمباركة المجلس العسكري والإخوان بمباركة المرشد :( المرشحان يتراشقا بالكلام كسيدتين أُميتين في حي شعبي! منذ أسبوعين فقط كنت أقول: “الإثنان سيئان جدًا. ولكنني سأختار الأقل سوءًا؛ مرسي. فلا أريد أن أنتخب من تقطر يديه دماءًا.” الآن أنا لست متأكدة من هذا الإختيار على الإطلاق. ممزقة أنا بين إختيار مرسي حتى لا ينجح دمية النظام السابق والمجلس العسكري وبين إبطال صوتي.ا
يا رب، ماذا أفعل؟ ماذا أفعل؟ :(ا
لى فترة مش بقرى كتابات حضرتك بس واضح ان موقف حضرتك متغير
المفترض ان مفيش مقارنة بين مرسى وشفيق :)
By: محمد عبد الودود on June 12, 2012
at 11:42 pm
ليه مافيش مقارنة يا محمد؟ هل فيه حد فيهم إنت شايفه رائع والآخر “مضرووب بالنار”؟
By: Mermaid on June 12, 2012
at 11:47 pm
لماذا لست متاكدة الان؟؟ ما الذي حصل و جعلك مترددة؟؟
بعدين ممكن حد يفهمني ..ايه الفرق الجوهري على النتيجة…بين ان الواحد ما يصوتش او انه يبطل صوته؟؟؟ و في الحالتين مين الكسبان؟؟
By: عروبة on June 13, 2012
at 1:04 am
يا عروبة، الموضوع عمال يسوء. كل ما أسمع تصريحات مرسي أخاف منه أكتر. بقيت حاسة إن الإثنين متدنيين لمستوى منحط تمامًا!
لو أنا صوت لمرسي كده هاديله صوت، لو ماصوتش ليه شفيق وزنه بيزييد. يعني تخيلي شعب مصر 100. 40 هايصوتوا لشفيق، و30 لمرسي و 30 مش مقررين أو هايبطلوا صوتهم. لو اللي مش مقررين هايعملوا كده فعلأ، شفيق هايكسب. لكن لو قرروا يدعموا مرسي، الموضوع هايختلف.
دعواتك!
By: Mermaid on June 13, 2012
at 1:40 am
ما انا بقول كدة كمان..ان اللي مش هيصوت….و اللي مقرر يبطل صوته…فعليا بيعطي الفرصة لشفيق!!
و بعدين ايه هي تصريحات مرسي اللي مخوفاك للدرجة دة..انا شفته في لقاءه مع يسري فودة..و ما لقيتش حاجة تخوف في اللي قاله..بالعكس..و كمان امبارح زميل لي قال انه شافه في لقاء على المحور..و كان انطباعه ..انه ما فيش حاجة تخوف!!
مش عارفة يمكن انتوا شايفين حاجة احنا مش شايفينها..بالعادة..بيتكلموا عن ان رئاسة مرسي معناها ولاية للمرشد..و لكم في ايران مثال..الخ…امبارح ابراهيم عيسى …بيتكلم ان الاخوان ليهم تنظيم دولي هو اللي بيتحكم فيهم..يعني يا ريت فضلت على المرشد و بس..لا..دة في اسوأ!!!
مش عارفة .بس حاسة انه في ناس من جواهم عايزين شفيق يكسب..بس لانهم مش عايزين الرئيس يكون من الاخوان…و في الوقت نفسه..مش عايزين يدوله اصواتهم..لسبب او لاخر…بس لما ما يصوتوش ..هو ممكن يكسب..و مش هيكون بسببهم..من وجهة نظرهم طبعا…و يمكن يتهموا الاخوان في دة كمان!!
ربنا يحمي مصر و اهلها !!
By: عروبة on June 13, 2012
at 5:58 am
من اللقاءات اللي شفتها لمرسي، انا شايفة إنه ضعيف جدًا ومش هايقدر على مهمة كبيرة زي حكم مصر. بجانب إني مش بتعجبني سياسة الإخوان المسلمين وقرارتهم.
ادعيلنا يا عروبة! :(
By: Mermaid on June 16, 2012
at 12:46 am