Posted by: Mermaid | November 7, 2007

الناحية ديه … والناحية التانية

انهاردة كان يوم مهم في حياتي. رغم أن ما فيش أحداث كبيرة قوي حصلت، لكن فيه كده حاجات صغيرة حصلت خلتني أفكر في حاجات تانية أكبر بكتير. إيه اللي حصل انهاردة؟ 

فيه عميل طلّع عيني لحد الساعة 7 بالليل تقريبا. بس قدرت أخلّص كل حاجة محتاجها المشروع اللي هايبدأ بكرة.ا

وأنا في ملف على كوبري أكتوبر، وسايقة بسرعة مش قليلة، كل حاجة إتعطلت في العربية، بما فيها الفرامل!!! لكن ربنا ستر وماحصلتليش حالة فزع وقدرت أسيطر على العربية اللي-الله يكرمها-إشتغلت تاني ووصلتني لحد باب البيت.ا

أخدت حقنة – وأنا باكره الحقن :( – لكن إكتشفت بالصدفة البحتة إن الدكتورة اللي إدتني الحقنة كانت زميلتي في المدرسة وكانت بنت محترمة جداً. صدفة سعيدة يا خديجة! :)ا

ا“الرخص يا مدام! حضرتك داخلة عكسي”. بعد مانزلت من العربية وبصيت للظابط الكبير وأنا مادة ايدي بالرخص: “خلاص. حصل خير. إتفضلي!” (على فكرة أنا ما كنتش أعرف إني ماشية عكسي).ا

الونش كان هايشيل العربية. لكن الحمد لله شفته وهو على بعد أمتار من العربية واتحركت في الوقت المناسب. (برضه ماكنتش أعرف ان الركنة هناك ممنوعة).ا

ملقيتش ولا فتفوتة مكان أركن فيه في الشارع كله وإضطريت أركن في شارع جانبي بعيد شوية. لكن الشارع ده فيه سوبر ماركت جبت منه دايت بيبسي كنت محتاجاه قوي وكنت بالتأكيد هاكسل أجيبه لو كنت ركنت تحت البيت.ا

كنت حاسة بتعب وضعف شديد وأنا طالعة السلم. لكن ضحكت على نفسي وأنا باطع ريموت إنذار العربية عشان أفتح بيه باب الشقة! ا

كان يوم … ممممم … مش سهل خالص. لكن في وسط كل ده – اللي حصل بره حدود جسمي وجواه، ربنا ألهمني إني أقول: “الحمد لله.”  ا


Responses

  1. Ur Diaries , say u R a very active one…but the good thing that U R optimist..and can C the good side of the whole view….
    Allah likes us 2 B thankfull….and U realize this…
    thx 4 reminding us 2 B thankfull no matter what we r going through…
    wait 2 read more from u … Regards

  2. Thanks a lot ya Landofy :) begad el blog menawer :)

    Evreything has a dark and light side… we choose what we want to see! Am not saying that I ALWAYS see the light side of things… but I just try to make it the usual thing I do.


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Categories

%d bloggers like this: