Posted by: Mermaid | November 15, 2007

الرضا

“الرضا؟ أن يرضى الإنسان بما يجده. … وربما أيضاً أن يرضى الإنسان بنفسه. ألا يطلب من نفسه غير ما يمكن أن تعطيه.”

ده كان مقتطف من رواية “نقطة النور” لبهاء طاهر. قعدت أفكر في الكلام ده كتير …. مممم … أنا مش متفقة أوي مع طاهر. أعتقد إن النفس البشرية زي المطاط. يعني الواحد ممكن يفضل يمط فيها وهايلاقي حاجات ونتائج ماتخيلهاش. فمثلاً أحيانا بيكون علاج الألم هو أنك تدور على الحاجة المؤلمة وتعرض نفسك ليها مش تتفاداها. وشوية شوية، هايحصل مش بس تعود على الألم لكن كمان شبه تخدير بحيث أن الألم بيبدأ يفقد تأثيره. حاجة زي ديه بتعتمد على إصرار الشخص وعلى قد هو قادر يطوَّع نفسه، بس في نفس الوقت لازم يكون الشخص فطِن كفاية عشان يعرف حدود نفسه لأن حتى المطاط ممكن يتقطع لو شدّناه زيادة عن اللزوم. أعتقد أن ديه نفس فكرة مجاهدة النفس في الإسلام. يعني الواحد مش لازم يرضى باللي نفسه بتديه وخلاص… لكن كمان لازم الواحد يطلب أكتر وأكتر من نفسه وهايلاقى معجزات … لكن برضه لازم نخلي في بالنا “لايكلف الله نفساً إلا وسعها”. الموضوع مسألة موازنة.


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Categories

%d bloggers like this: