Posted by: Mermaid | December 1, 2007

عن السواقة

 بص قدامك…ا

 ليه لما حد بيبطأ أو يعمل حاجة غلط وهو سايق أو يتأخر شوية أنه ينطلق بالعربية بعد الوقوف في إشارة كل اللي حواليه بيبدأوا يبصوا له بنظرة غريبة؟ زي ما تكون البصة ديه عقاب للي سايق! حد لاحظ الموضوع ده قبل كده؟ أنا قعدت فترة لحد ما عودت نفسي إني ما أبصش على حد في العربية بتحصله حاجة من اللي فوق أو حتى حد غلط فيا. لما حد بيبصلي بقى بابقى عايزة اقول له: “بص قدامك!”  ا

تصميم الكباري … ا

عادة باخد كوبري أكتوبر وأنا مروحة من الشغل. نزلة الدقي مرعبة بالنسبة لي ودايما بتكون فيه فكرة واحدة في دماغي وأنا باخد الملف ده: “هما ليه مابيعملوش حساب الناس اللي عندها دوار الحركة زي حالاتي وهما بيصمموا الكباري ديه؟!” باحاول أفتح عنيا جامد وأكلبش في الدريكسون عشان مالقيش نفسي في الإتجاه التاني من الكوبري. باهون على نفسي وأقول: “إعتبريها ملاهي يا ميادة.” فيه مشكلة واحدة بس في الموضوع ده؛ أنا مابروحش ملاهي!  ا

اللي ورا الكنبة … ا

فيه ناس بتحط دباديب وقلوب وحاجات من اللي محشية حاجات ديه ورا الكنبة في العربية. باحس إن الناس ديه بتبقى رايقة في السواقة عن غيرها. هاديين ومش مسرعين خالص. وفيه ناس تانية بتلزق حروف على الإزاز اللي ورا لتكوين كلمة أو جملة ما. باحس ان الناس ديه هي اللي مجنونة في السواقة. مسرعين وبياخدوا غرز. ا

أنا مش حاطة أو لازقة حاجة. بس عايزة أجيب حروف كلمة “عروسة البحر” بالإنجليزي وألزقها.ا


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Categories

%d bloggers like this: