Posted by: Mermaid | January 23, 2008

يوم جميل

“ماتغيريش طريقك تاني.” سمعت نفسي باقولها بعد مانزلت من كوبري أكتوبر لميدان التحرير ولقيته زحمة جداً. عادة الزحمة بتخنقني. لكن الدنيا كانت ممطرة وبرد جداً فحالتي المزاجية كانت في السما خاصة إن صوت فيروز كان مدَفي العربية. بصيت على دار الأوبرا وإفتكرت إني محتاجة أجيب تذاكر ليا ولدينا لحفلة مارسيل خليفة (واللي عرفت بعد كده إنها حفلة خاصة مالهاش تذاكر). المهم ساعتها كسِّلت إني ألف في الزحمة ديه عشان أجيب التذاكر. “وقت تاني.” إفتكرت إني معايا شيكولاتة باشيونيل صغيرة. قعدت أدعبس في شنطتي بإيد واحدة لحد ما لقيتها وقبل ما أكلها، فكرت هي قد إيه هاتكون لذيذة لو كانت سايحة شوية. من وأنا صغيرة عندي عادة إني أقعد على الشيكولاتة عشان تسيح. لما كبرت شوية، كان الموضوع ده صعب تنفيذه شوية خاصة مع نظرات الإستنكار في عيون الكبار فبقيت أحطها في الشمس أو على حاجة سخنة. المهم، أول ما دُقت  الشيكولاتة إفتكرت وأنا صغيرة كان في نوع شيكولاتة مش فاكرة إسمه بس كانت على شكل كارتون ديزني – بلوتو وبندق وبطوط. كنت باحبها أوي. 

مرة واحدة الدنيا إتقلبت وخمنت إن مصر كسبت الماتش قدام الكاميرون (على ما أعتقد!) رغم إني ماليش في الكورة قوي لكن قعدت أصقف جوة العربية! كنت حاسة إني فرحانة إن الناس فرحانة. الفرحة مش صعبة قوي لو إحنا عايزين نفرح! 

لقيت راجلين في الخمسينات كده بيحاولوا يعدوا الشارع الغرقان في مية المطرة لكن ماحدش كان عايز يقف لهم. هديت ووقفت. الراجلين إبتسموا لي قوي وشكروني بتحية ممتنة من إيديهم. إبتسامتي كانت واصلة من الودن ديه للودن ديه وأنا باشاور لهم. مش عارفة ليه حسيت إني عملت إنجاز كبير قوي ساعتها. هو مش إننا نرسم إبتسامة على وش حد ده إنجاز برضه؟ المهم إني فضلت مبتسمة كده لحد ما روحت البيت. 

كان يوم جميل جداً جداً :)


Responses

  1. Your blog has moved to the top of my bookmarks list, it’s nice to start the day with something nice .. thank you .. “Begadd”

    We crushed Cameron 4:2 .. the 2nd Cameron goal is a fake penalty ..

    Sitting on Chocolate ?! .. huhhh .. this is a new one ..

    So we are competing for the trip to the pink planet, I’m working from Algeria with remote control on getting those tickets to the concert .. 7a nshoof meen ha yeksab.

    Tell you something funny .. I work in the Algerian desert .. the only cars around are those of our company .. I miss the jammed streets of Cairo .. do you believe that ..

    Thank you again .. Ahmad

  2. :D —> that was the big smile drawm on my face when I read you comment :)) Thank “you” :)

    Ah.. I was pissed off when I knew Khalife’s concert is private! Grrrr…..!!! Tayeb wareena shatartak :P

    You miss the jammed streets of Cairo?!!! What did you have for breakfast today?!!! Sometimes I wish I clap my hands keda fa all the cars to disappear!

  3. All you need is a month in the desert .. simple traffic jam, a movie in City Stars, bizza dinner afterwards from “sbbaro”, a sandwich from “Mo’men tasamom” or even “Abo Ramy” .. a plunger coffee in Harries, a “Ta3mya Ma7’soos’ from Gad .. all will look completely different ..

    The fact that you look around and see people, cars and buildings will amaze you .. Ahmad

  4. I’d go for a month on an island or a deserted beach :) And I do not think I’d get bored :) I guess because I am not a city-person, I am suffocating here in Cairo. I cannot deny it has its own beauty and charm… bass there are too many people… too many cars :(

    Maybe I’ll write sth about Cairo :) Thanks to you :)


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Categories

%d bloggers like this: