Posted by: Mermaid | January 27, 2008

بطاطا مثقفة

مافتكرش في ال 10 سنين اللي فاتوا إني ماروحتش معرض الكتاب أول ما بيتعِمل. رغم إن الكتب ليها نصيب محترم من ميزانيتي كل شهر لكن معرض الكتاب ليه مذاق خاص. عادة لما بادخل أي محل كتب على مدار السنة باقول للناس اللي معايا حاجة واحدة: “أنا نفسي يقفلوا عليا المكان ده ويروحوا!” فما بالكم بمعرض الكتاب. نفسي أقضي فيه 5 أيام مثلاً بالمبيت :) ويكون معايا 10000 جنيه :) 

إنهاردة معرض الكتاب كان ليه طعم تاني … المطرة كانت جميلة وكانت معايا صحبة أجمل وخبطت في ناس أصحابي كتير. بغض النظر عن البهدلة في الجيب الجينز والمية اللي كنت حاسة بيها دخلت جوا الكوتشي، اليوم كان ناجح جداً. أول مرة أفكر بذكاء في الكتب اللي محتاجاها. لسه في مكتبتي كتب كتير إشتريتها من معارض الكتب من سنين فاتت وماتقريتش. السنة ديه، فكرت في إيه فعلاً اللي أنا محتاجاه وهاقراه. مكتبتي في الكتب العربي فقيرة جداً عشان كده تقريباً كل الكتب اللي جبتها كانت عربي. معظم الحاجات كانت لمحمد المخزنجي وإبراهيم أصلان … كاتبين رائعين إكتشفتهم حديثاً. كمان جبت هدية لصديقة عزيزة … مجموعة كتب لنفس الكاتبين :) أنا بافرح أوي لما باجيب هدية لحد :) 

دار الشروق لكان ليهه نصيب الأسد من مشترواتي. جبت كتاب ساخر من أخبار اليوم بناءً على نصيحة صديقة. ماقدرتش أروَّح قبل ما أزور سور الأزبكية. جبت كتابين لإيرنست هيمنجواي .. كان نفسي ألاقي رواية A Moveable Feast بس للأسف ما كانتش موجودة :( كان نفسي أقضي وقت أكتر هناك بس كنت قربت أفلِّس وضهري إبتدا يوجعني من حِمل الكتب الثقيل فقررت إن الوقت أزف عشان أروَّح. 

في الطريق للعربية، عديت على بتاع بطاطا مشوية. الريحة كانت لذيذة قوي. أصحابي بيضحكوا عليا عشان عمري ما جربت البطاطا بتاعت الشارع. قررت إني أغامر وأجربها. “أربعة بطاطا لو سمحت.” البطاطا إتلفت في ورقة جرنال ومشيت ناحية العربية بلفة البطاطا السخنة في إيدي اليمين، وشنطة كتب كبيرة في إيدي الشمال، والهاند باج المليانة كتب برضه متعلقة في كتفي. حسيت ساعتها إني … بطاطا مثقفة!


Responses

  1. I’m glad you enjoyed the rain and the book fair. I had a good time too, and I’m planning to go again TWICE, esp. for Sour El-Azbakeya! :)

  2. I did enjoy it awyyyy ya D :) And I enjoyed your and Nadia’s company beyond words :)))

    Sour el Azbakeya is full of treasures… but needs A LOT of time fe3lan!

  3. بطاطا !! .. بطاطا يا مياده .. وفي ورقة جرنال !! .. بعد ما قلت ربنا فرجها و بقينا نعرف عالم محترمة وولاد ناس و “اي يو سي” يعني و كده .. تقوم تتطلع بتاكول بطاطا من الشارع .. حسبي الله ونعم الوكيل ..

    بطاطا ..

    أحمد

  4. LOL :D Well, a3mel eih bass :) My friends used to mock me for not trying it out :) I had to! :)

    Emda2,

    El Batata el Mothaqafa :D

  5. LoL :D this is sweet ya Mayada

  6. enty elly sweet ya agmal Dido fel doniaaaa :D

  7. hehehehehehehehe mod7ekaa awy the last part ya dodzzz:):) it is so youuuuuuuuuuuu

  8. :D

    You should have seen me ya Roudzzzz :D

  9. enty sa3ba awy fe 27asesk w kaman tare2t t3berk 3nha bs 22dr a2olk en sahl en elwa7ed y7s bs sa3b awy y2ol ely hwa 7aso zay manty bt3mly kda:) 3shan kda enty fe3lan 7ad mawhob.ah nset adeky msal 3an el7agat ely elwa7ed by7sha bs msh dayman by3raf y3abar 3anha ana mslan dayman 7asa eny b7ebk bs msh dayman b3rf a3brlk 3an 7oby dah :))) 3shan kda yaret dayman teb2y fakra that i love u

  10. Yady el kossof yady el kossof *blush* :)

    I guess you’re right… sometimes we have so many feelings inside yet we cannot experss them right! Believe it or not, I get speechless sometimes! But most of the times, I am in touch with whatever feelings I have… and I try my best to express them openly.

    I know it already that you love me :P I LOVE YOU TOO SO VERY MUCH :D

    Kisses,

    Your big sister el 3a2la awy awy :P


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Categories

%d bloggers like this: