Posted by: Mermaid | March 4, 2008

!!!لأ، مش يبقى انت أكيد في مصر

مجرى العيون من أجمل مناطق القاهرة. بامشي من جنب السور العظيم ده لما باحب أحس قد إيه مشاكلي صغيرة وتافهة، ولما أحب أهدي عقلي المجنون اللي مجريني وراه من كتر التفكير. 

من فترة بسيطة، كنت سايقة هناك في أمان الله، وقبل ما أطلع الكوبري الصغير اللي بيودي على القصر العيني، لقيت تاكسي وقف على المطلع بيركب ناس! حبسني وراه فترة محترمة لحد ما الناس ركبت. أسكت؟! لأ طبعاً … ما أنا اصلي لساني متبري مني! إديت إشارة وجيت جنبه وهديت: “ماينفعش أبداً تقف على مطلع كوبري تركَِب ناس.” الرد كان بسيط: “لأ ينفع …إنتي في مصر. ” كان لازم أتحرك لأن كان في عربيات إبتدت تيجي ورايا. الرد بالنسبة لي كان أسوأ مليون مرة من الفعل نفسه. يعني إيه إحنا في مصر؟!!! ماهو عادات مصر هي عاداتنا … سلوكياتها هي سلوكياتنا.  ليه الناس مش بس سلبية، لكن كمان بيساعدوا على تدهور حال البلد بالإصرار على السلوكيات السيئة؟!!!  

أرجوكم أرجوكم، بلاش نقول “ماهي الدنيا في مصر ماشية كده.” الدنيا في مصر ماشية كده عشان إحنا عايزينها تمشي كده! كفاية سلوكيات سيئة في الشارع (كلاكسات عالية، مافيش إستخدام إشارات، رمي زبالة، شتم الناس … إلخ). الأهم من كده، كفاية سلبية! 

ملاحظة: أنا سواقتي وحشة من ناحية إني سريعة شوية ومتهورة … لكن مش باكسر على حد وباستخدام الإشارات اللي البعض معتقد إنها من كماليات العربية!


Responses

  1. :(:(
    I totally agree ya Mayada .. masr mashya keda 3ashan el masryeen memashyenha keda !!

  2. Aywa ya Dido … very true… ana sometimes bab2a 3ayza 2adrab el nass 3ashan yefoo2o!

  3. this reminds me with a dialogue from mafia movie (despite thr fact that it isnt one of my favorites)
    Ahmed el sakka: el zebala fe mas fe kol 7eta
    MOstafa Sha3ban: we howa meen rama el zebala deeh??? mesh e7na bardo!

    by the way i recommenr reading a book that is entitled ” mas mesh omy, de merat aboya” they were talking about yestreday on TV and it is really good

  4. A very provocative and relevant quote ya Willy!

    First time for me to hear about this book… who wrote it?

  5. Osama Ghareeb is the writer, yesterday he was a guest fel 3ashera masa2an.

  6. Interesting… will try to put my hands on the book! Thanks ya Willy :)

  7. الاخت العزيزة احيكي علي الايجابية الواضحة في ملاحطتك والفكرة واضحة بس انا انصحك بقراءة كتاب الكاتب الموهوب اسامة غريب مصر ليست امي دي مرات ابويا علشان تعرفي يعني اية احنا في مصر

  8. (: ناس كتير رشحتلي نفس الكتاب! إظاهر إنه كتاب كويس فعلاً. حاضر هاقراه

    (: شكراً على مرورك وتعليقك


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Categories

%d bloggers like this: