Posted by: Mermaid | March 18, 2008

يا جمالك يا دنيا

daisy.jpg 

الجميلة جداً ديدو بعتت لي مدونة رائعة كانت كاتباها عن الحاجات اللي بتحبها والحاجات اللي بتضايقها. فقررت أعمل زيها :) 

إيه هي الحاجات اللي باحبها؟

لما ألاقي رسالة أو مكالمة من واحدة صاحبتي جميلة بتسأل عليا.

لما أقعد أتكلم مع أمي في حاجات كتيرة حتى بعد ما أروَّح من الشغل ميتة من التعب.

لما أحضن حد من أولاد إخواتي … خاصة حمزة (أو مييزة زي ما بناديله).

لما حد بيعلق تعليق جميل على حاجة كتبتها.

لما أخرج للشارع الصبح وألاقي الدنيا مغيمة.

لما بالاقي ورد بألوان مختلفة في الشارع.

الشجر الأخضر بعد المطرة.

لما باشرب عصير أناناس أو آكل شيكولاتة غامقة (بس لازم تكون سويسرية أو بلجيكية … مش أنعرة مني بس الشيكولاتة الغامقة بالذات لازم تكون نضيفة جداً وإلا هاتكون وحشة جداً جداً)

لما باكون في أمسية شعرية في فلوكة والقمر بدر.

لما باقف لحد بالعربية عشان يعدي، ويبتسم ويشكرني برفعة من إيده.

لما باخلص كتاب أنا مستمتعة بيه جداّ وأناقشه مع حد من أصحابي.

موسيقى جميلة باحبها … فيلم رومانسي كوميدي … فيلم كرتون.

بحر فيه موج بس مش ثائر قوي.

السما بأشكال سحاب مختلف مع شمس بسيطة (أنا مش باحب السما الصافية!)

رغدة أختي وهي بتضحكني لحد ما أقوم أضربها من وسط ضحكي عشان تسكت.

سالي وحضنها الواسع … منى وجمالها وتسامحها.

Rou وهي ماسكة إيديا … وهي بتشاركني أحلامي.

إحساسي بالبركة إن أسرتي حواليا … ناس بسيطة وطيبة.

النيل وجزيرة الذهب.

الشتا والمطرة والبرد … وعربيتي الدافية.

نوم الساعة 3 العصر في الشتا … وباب أوضتي مقفول … من غير صوت… وضوء خفيف من البلكونة.

أصحاب جديدة وعلاقات لسه بتتبني بثبات.

إني قادرة أحب وأحلم وأتألم. إحساسي إني قادرة أحس.

ليالي الشتا الباردة وأنا قاعدة في أرضية البلكونة باصة على السما. 

ا 

إيه الحاجات اللي بتضايقني ومش باحبها ؟

الدوشة والزحمة.

كلاكسات العربيات في الشارع.

البلطجة … في أي صورة من صورها.

الغيبة والكلام بطريقة وحشة على الناس (بغض النظر الكلام صحيح أو لأ).

الإستسهال والإستسلام وأن الواحد مايحاربش عشان الحاجة اللي عايزها.

البطاطس المقلية الباردة.

العربيات السودا.

الحروب والدم والناس اللي مغمضة عينيها.

التعلق الزايد عن اللزوم بمطربين أو ممثلين.

أن الناس تكون دماغها فاضية ومش بتفكر في حاجة.

عدم تقبل الغير وضيق الصدر والعقل.

إن حد يصحيني بعد ما أنام قبل ميعاد صحياني.

لما باتخانق مع أمي… الدنيا بتسوَد في عيني لحد ما نتصالح.

الناس الظريفة اللي بتعاكس.

الموسيقى التكنو.

أن الناس تفسر كلامي وتصرفاتي على مزاجها كأنهم عارفين نيتي.


Responses

  1. I simply remember my favorite things
    And then I don’t feel so bad
    :):):):)
    كلهم جمال بجد

    على فكرة ضحكتني قوي البطاطس المقلية الباردة

  2. Thank you for the inspiration :))) Yes, remembering those things… the blessings and little beautiful things makes us go on with no heavy heart :)

    lol… tayeb leeky 3andy taba2 batates ma2leya sokhna :D

  3. We ba3deen ya Mayo??? We have much in common in favorite things.
    And u reminded me tht it’ve been ages since i ate toblerone dark. I cant find it anywhere :(.

    I started hearing the melody of “My favorite things” :D

  4. HAPPY to know we have that much in common :D :D :D

    I heard toblerone dark is sold in On The Run… let me check, if I find it, I’ll get us 2 ne mazmez feehom :D

  5. very sweet feeling to be able to enjoy the small things in life, & appreciate the blessings
    please try to hold on to all that, & never let go.

  6. Yes, isn’t it ya Omar? :) I wonder how some ppl go on with their lives keda forgetting the blessings they have?

  7. i have nothing to say except ” i love that” la2 actually fe 7aga kaman that i would like to say ” chapeau” 3ashan el wa7ed dayman beykoon arfan we tah2an mn el 7agat elly beday2o and usually what heppens is that the bad things overwhlems the good ones but i believe that putting the things you love into words like what you did will help you to be a happier person

    fe 7aga tania i want to note: ana la7ezt eno fe 7agat kteera awy ad ma heya baseets we ” hayfa” lel nas ad maheya betkoon sabab le 3aknantek aw sa3adtek

    BRAVOO

  8. Ayoha Al Willy Al Ra2e3a :D

    Don’t know what to say :) I am just happy that I (with the inspiration from Dido) could make people remember how little things do matter in our lives :) And very true what you said that sometimes trivial stuff makes us happy (a confession: letuce in my food makes me happy :)) or upset and angry (like finding someone who sticks his hand on the car horn pushing it till I am on the verge of exploding!)

    Ah, one more thing I DO hate is cursing (el sheteema)! And what is worse that is people’s attitude when I tell them not to curse; “mahy el nass kolaha betishtem ya Mayada!” Grrrrr….!

    Thank you honey for the comment :) Your feed-back always makes a difference :))

  9. Helwa Kawiii ya doodz

    3ala fekra feih hagat common bena kawi
    except fi
    el donia el meghayema we el 3arabeyat el sodaaaaaaaaaaah :;

  10. LOL…I thought you’re a winter person ya Mahazzz :D

    Happy kawi that we have many things in common :D

    Thanks for the feed-back, babe :)


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Categories

%d bloggers like this: