Posted by: Mermaid | September 20, 2008

حدث مع موبينيل

رحت موبينيل عشان أسوي كل حاجة معاهم عشان أقدر أنقل فودافون. موظف خدمة العملاء (بدون ذكر أسماء) خلص لي جزء من الإجراءات وطلب مني أجيله تاني يوم عشان نحلص الباقي. طلبت منه إنه يخلص لي كل حاجة في نفس اليوم لأن ديه تقريباً رابع مرة أروح لموبينيل في نفس الشهر وأنا تعبت. أصر إني لازم أجيله تاني يوم برضه. قلتله: “لو سمحت خلصلي كل حاجة إنهاردة لأني عايزة أسوي كل حاجة مع موبينيل عشان أنقل فودافون.” وكان رده لطيف جدا: “أنا مش فارق معايا تطلعي على فودافون!” فكرت ساعتها لما موظفين موبينيل نفسهم مش يهمهم إن العملاء يكون عندهم ولاء للشركة، ليه أنا أهتم؟! بصراحة أنا مش عارفة الأستاذ ده موجود في خدمة العملاء إزاي. وأنا ماشية قالي: “أي خدمة تاني؟” بطريقة حسستني إني في بقالة الحاج أحمد مش في شركة محترمة.

 

في نفس القاعدة، واحد زميله قرب منه كان بياخد حاجة من عنده. الموظف اللي معايا سأله: “إنت عندك shift؟” رد عليه زميله: “أيوه عندي زفت!” قلت في عقلي: “هما مش واخدين بالهم إن فيه عميلة قاعدة قدامهم ولا إيه؟!!!”

 

رحت تاني يوم عشان آخر إجراء قبل ما أحول فودافون. موظف خدمة العملاء، هاني السيد أبو اليزيد، كان أكثر من رائع. فتح معايا الموضوع وسمع كل شكوتي. عرض عليا إنه يفتح الموضوع تاني مع موبينيل لأن التعويض اللي أخدته لايتناسب مع حجم الخطأ اللي عملوه لكن قلتله إن فيه أخطاء كتيره حصلت بجانب الموقف الشنيع اللي حصل إمبارح مع موظف خدمة العملاء. إعتذر لي بشدة عن سلوك زميله وحاول معايا إني أفتح صفحة جديدة مع موبينيل لكني إعتذرت له. قلتله إن سلوكه وإبتسامته هما أفضل حاجة في موبينيل وإن هي ديه الطريقة المثالية للتعامل مع العملاء. ورغم إني فضلت مصرة على موقفي إني أنهي تعاملاتي مع موبينيل إلا إنه فضل مبتسم وبيخدمني بأفضل طريقة.

 

لازم موبينيل يعملوا auditing على موظفين خدمة العملاء عندهم عشان يضمنوا مستوى الخدمة اللي بيقدموها للعملاء بدل ما يتقال عليهم “أم نبيل” زي ما البعض فعلاً بيقول!


Responses

  1. Ya reet ekoll el nass teb2a egabya keda w ten2el 7’ebreteha 3ashan this is the only way we will get better services!!

    w welcome aboard :D

  2. Ya reit fe3lan ya Gjoe.. bass we need to transfer the positives and negatives as well so that all of us know what are the good vs. bad service providers/producers.

    Rabena yakremek :)

  3. ya shamatet Vodafone fina :S:S

    Though, Bravo for being positive ya Mayada …

  4. Mayyada,

    Can you please give me the name of the rude CS guy, My sister and her husband work there and I will make sure that an action will be taken, please this is serious

  5. Begad you should escalate this guy in name

  6. Thanks ya Dido… bass wait for a surprising update on the issue :))

    Meto, ana 7assa ennak you want the name of the guy 3ashan teroo7 tedrabo :D The problem is taken care of… I’ll post something very soon inshallah :) Thank you ya fandem :)

    Emy, I DID… and you won’t believe to what levels. Hatisma3y what happened on the whole issue :)

  7. الطبيعي انه موظفين خدمة العملا و المبيعات في مصر ماهياش فارقة معاهم
    لأنه فعلا الحاجة بايعة نفسها كده كده
    و ده علي مبدأ انها بقالة فعلا
    و ان كان عاجب عاجب
    مش عاجب مش لازم
    اخر مره اتخانقت في توكيل شيفروليه
    و عادي جدا و لا حصل اي حاجه
    و لا هيحصل

  8. المفروض إنها تكون فارقة معاهم يا هاني. الحاجة مش بايعة نفسها كده كده. مممم، في الواقع إن مش باعيب على الشركات على قد ما باعيب على المستهلكين اللي بيرضوا بأي حاجة. لما الشركة تحس إن فيه تهديد إنها تخسر عملاء، المفروض إن ده يخليهم يتصرفوا بطريقة كويسة.

    أنا معاك إن مش دايماً مطالبتنا بحقنا بتنفع ومش دايماً صوتنا بيتسمع. بس على الأقل لازم نحتفظ بإيجابيتنا ديه. لو مانفعتش مرة، هاتنفع التانية. أنا عارفة إن الموضوع بيبقى محبِط أحياناً. بس لازم نفضل نحاول. مثال، اللي حصل مع موبينيل. أنا ماسكتش، والموضوع إتحل والدنيا مشيت تمام. أنا راضية عن نفسي وعن النتيجة.

  9. […] “Be Positive” posts and their effect: Here, here, and the effect. Share […]


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Categories

%d bloggers like this: