Posted by: Mermaid | March 1, 2009

زعلانة

أنا زهقت… من الناس ومن نفسي! ليه الدنيا لازم تكون معقدة كدة؟ ليه الناس مش بسيطة وبتاخد الحياة ببساطة؟ ليه لازم الواحد يفكر مليوووون مرة قبل ما يعمل أو يقول أي حاجة حتى مع الناس اللي بيحبهم؟! ليه الناس مش عارفة إنها كلها كام سنة وبخ خلاص هانموت؟ أنا زهقت مني ومن إني باقطع نفَسَي وأنا باحارب عشان علاقات تعيش وتستمر. زهقت من إني عامالة أوزع إبتسامات رغم إني كل اللي عايزة أعمله إني أقعد في ركن وأتقوقع زي جنين مش قادر يواجهه الحياة ديه بكل قبحها.

 

إمبارح نمت معيطة بعد مواجهة ثقيلة مع صديقة مقربة، وقمت الفجر على خبر وفاة تيتة (خالة ماما)، وأول خبر سمعته في الشغل إن صديقة إستقالت. حاسة إني مخنوقة وحاجة كبيرة بشوك واقفة في زوري. خايفة أعيط.. خايفة أبدأ ماعرفش أوقف نفسي.

 

أنا زعلانة.. زعلانة قوي من الناس.. محبطة وخاب أملي وغضبانة في نفس الوقت. يا رب خلصني من الدنيا ديه على خير!


Categories

%d bloggers like this: