Posted by: Mermaid | May 15, 2010

حوار مع صديقتي المفكرة

واحدة من صاحباتي باحب أتكلم معاها قوي. باقول عليها إنها مفكرة كويسة جداً. باحب إنها مش بتاخد الحاجة والسلام لكن بتفكر فيها عشان تحاول توصل للمنطق من وراها. ديه بعض الحوارات اللي بتدور بينا.ا

أنا: أنا باحس إن فيه وقت كتير بيضيع من غير ما أعمل حاجة تفيدني عند ربنا.ا

هي: أنا عارفة إنك بتحبي تلاحظي الناس. صح؟

أنا: ده صحيح.ا

هي: إيه رأيك لما تشوفي راجل أو ست عجوزين تدعيلهم؟ وده متهيألي أحسن من حتى الصدقة الخفية؛ ما حدش هايعرف إنك دعيتلهم ولا حتى هم.ا

***

هي: ماتسجديش لغير الله.ا

أنا: إيه ده؟ إزاي ممكن حد يسجد لغير ربنا؟!!ا

هي: لما تكوني في وسط الصلاة وعند السجود قلبك وعقلك يكونوا متعلقين وبيفكروا في شغل ولا شخص ولا حاجة تانية، ده يبقى إسمه إيه؟ السجود مش فعل جسدي فقط يا ميادة، هو أكتر منه فعل قلبي وعقلي.ا

***

أنا: ساعات بيبقى قلبي رافض حاجات زي الفيلم الجديد ده اللي بيتكلم عن آلهة الإغريق. من غير ما أدور على إذا كان في دليل في القرآن أوالسنة إنها حلال أو حرام قلبي بيرفضها.ا

هي: بالظبط! وديه اللي إسمها الفطرة. لو بس نسمع قلبنا، لو نتبع الفطرة هانلاقي إن كل حاجة بتوجهنا ليه.ا

***

أنا: أنا باحب إنك دايماً بتدور على المنطق اللي ورا الحاجة.ا

هي: بس مش دايما عقلنا الفسفس بيقدر يوصل للمنطق. فا لازم يكون في حاجة زي السيفتي نت كدة تمسكنا عشان مانقعش في الضلمة. لازم يكون فيه إيمان بالقلب… إيمان مش بيحاول يدور طول الوقت على دلائل إن النور موجود.ا

أنا: ربنا يجعلنا في نوه دايماً.ا

هي: آمين.. آمين.ا


Responses

  1. me7taga at3araf 3alla ur friend deih ya mayada :))
    Rabena ye7’ealeeeko l ba3d ISA and may God gives her and all of us the wisdom of life

  2. Ya Asmaa… long time :)

    She’d be honored to get to know you :)

    Amen to that… to all of us, dear!


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Categories

%d bloggers like this: