Posted by: Mermaid | June 14, 2010

عن خالد وجُبني والبلد ديه

بقالي تقريباً 10 شهور عايزة أكتب تدوينة عنوانها “يا حبيبتي يا مصر يا مصر” ومش عارفة لأني يا إما مشغولة قوي، يا إما بتحصل حاجات (زي اللي بتحصل في فلسطين كل شوية) بتخلي قلبي، وإيدي، تقال قوي فا مش باعرف اكتب. من كام يوم كنت بافكر أستجمع قوايا وأكتب التدوينة ديه فلقيت الخبر ده. لكن من قبل الخبر قريت تدوينة روو وبعد الخبر قريت تدوينة إبراهيم. التدوينة الأولانية خلت قلبي يتقل قوي. والتدوينة التانية مع اللي حصل لخالد.. ممم… خلوني أحس إن حد مسكني وحطني في ديب فريزر. يعني مش عارفة أحس. أحاسيسي وأفكاري كلها إتجمدت! أنا مش باكره مصر لأني قادرة لسة أفرق بين “البلد” و”الحكومة”. يوم ما أقول إني باكره مصر، ده هايبقى معناه إني باكره الناس والأماكن اللي في البلد. أتمنى إني ماوصلش للمرحلة ده أبدًا.ا

أنا… حزينة قوي. حاسة إني عايزة ألبس إسود! مش عارفة الدنيا ماشية على فين. اللي أنا عارفاه إني جبانة. أيوه أنا جبانة! مش هاقدر أمشي في مظاهرة عشان أعترض على اللي حصل لخالد. خايفة من اللي ممكن يحصل لي وخايفة أكتر على لوعة أمي عليا. كل اللي قادرة أعمله إني أدعي ربنا وأقول حسبنا الله ونعم الوكيل!ا

بس بافكر.. إحنا ليه بيحصل فينا كده؟ هل “وَإِذَا أَرَدْنَا أَن نُّهْلِكَ قَرْيَةً أَمَرْنَا مُتْرَفِيهَا فَفَسَقُوا فِيهَا فَحَقَّ عَلَيْهَا الْقَوْلُ فَدَمَّرْنَاهَا تَدْمِيرًا” هل إحنا نستاهل اللي بيحصل فينا ده؟ هل إحنا بقى كتير مننا بيغش ويكدب ويرتشي عشان الظروف اللي الحكومة معيشانا فيها وعشان هي حكومة لا بتحل ولا بتربط ولاالحكومة طايحة فينا عشان إحنا بقينا مخوخيين من جوا؟!ا

يارب رحمتك بينا وبالبلد ديه!ا


Responses

  1. السلام عليكم

    قرات ذلك الخبر منذ عدة ايام..و كنت مصدومة بشدة لرعب المنظر..و بشاعة الجريمة…..ما حصل له يقطع نياط القلب..و أي ذنب ارتكب؟؟….و اي جرم اقترف؟؟..لا اجابة!!

    يا ترى ذنبه في رقبة مين بالضبط؟؟ المخبرين اللي ضربوه…. الناس اللي مشغلينهم؟؟ الناس اللي وقفوا في الشارع يتفرجوا و ما عملوا شي؟؟ انا و انت و غيرنا اللي قاعدين نتفرج و نحكي من ورا شاشات الحاسوب؟؟

    كم واحد سبقه..و كم واحد سيلحق به ..و الناس تنظر و لا تستطيع ان تفعل شيئا الا اللجوء الى اضعف الايمان..الشكوى لربنا و الدعاء؟!!

    مش انت وحدك اللي جبانة…ملايين المقهورين مثلك .و ربما اسوء..لكن ان لم تتحركي انت و هم ..لتنقذوا انفسكم..لتدرؤوا عن ذواتكم خطر الفناء…فمن ذا الذي سيتحرك لاجلكم؟؟ لا احد ينصر من لا يتحرك لنصرة نفسه..و لو بالصراخ حتى!!

    ..وربما الكلام سهل..لست ادري..فانا لست هناك..و لم اكن يوما هناك..تحت اعين تلك الحثالة…و في قبضتهم و لذا ربما لا يحق لي الكلام!!

    اعذريني .و لكن ما حصل لذلك الشاب ولد في كثير من الناس براكين من الغضب و القهر معا..

    بس مع هيك..ما بظن انه حدا لازم يكره مصر..لانه مصر شي..و النظام المصري شي تاني!! و لا اريد ان استفيض!!

    و بالحديث عن الافلام ..يحضرني الان فيلم “شيء من الخوف” للكبيرة شادية…الا يوجد بيننا احد في شجاعة “فؤادة”؟

  2. Hi there Miss Mermaid,

    Seems we need a bit o’ blogger solidarity hon. Gimme a day or two, maybe three fa

    باحاول اكتب حاجة على مدونتي اذا استطعت الى ذلك سبيلا
    اللى حصل مع الشاب دا ما لوش مبرر مهما عمل – اذا هو عمل اي حاجة اصلا.

    واعلمي اني كمان ما باكرهش ولا مصر ولا اي بلد او شعب ولكني باحب حاجة اهم بكتير من اي كيان سياسي

    And I’ll try to use the correct prepositions. :-)

  3. Oroba,

    It is just SHOCKING! Whenever I remember his face before and after this incident, my heart falls to pieces :( Rabena yer7amo we yesabbar ahlo!

    We have many incidents like Khaled’s in Egypt.. 7asbona Allah wa ne3ma al Wakeel :( Begad I want to tear those monsters to pieces!

    I bear part of the guilt and everyone else who watched him being tortured and killed and did nothing :(

    Unfortunately, after this incident, MANY Egyptians started hating Egypt … confusing the governement with “Egypt” itself.

    Rabena yer7amna gamee3an!

  4. Tayyur,

    What can I say… a very well written post! What hit me was “Egyptian government is treating its own citizens the exact same way that Israel treats the Palestinians” :((

    You always use the correct prepositions :) A few do, and you’re on top of them :)


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Categories

%d bloggers like this: