Posted by: Mermaid | July 1, 2011

حملة: إدي اللي جنبك كيس

الناس اللي سايقة بي إم دبليو ومرسيدس اللي بيرموا مخلفات من شباك عربياتهم ما يتخيروش عن الناس اللي فارشين في جنينة وبيرموا حواليهم قشر البطيخ واللب. كتير باشوف ناس وأنا سايقة بيرموا مناديل، علب سجاير وأكياس شيبسي من شباك عربيتهم. بيبقى نفسي ألحقهم وأقوللهم “يا ريت نحافظ على البلد.” بس للأسف مش باحصلهم.ا

عادة بابقى محتفظة بكيس صغير أو اثنين في تابلوه العربية عشان المخلفات بتاعتي. امبارح كانت الدنيا زحمة قوي. لقيت منديل اترمى من العربية اللي قدامي. طلعت الكيس اللي عندي في التابلوه وفضيت الحاجات البسيطة اللي فيه جنبي. قعدت أقول لو لحقت الراجل وجيت جنبه هاديله الكيس بس ياترى ممكن يهزأني ويقوللي إنتي مالك؟ احتمال كبير! بس احتمال برضه ياخد الكيس. حظي كان كويس ولحقت الراجل، زمرت له عشان يفتح شباكه. وبإبتسامة واسعة “ممكن تخلي الكيس ده عندك في العربية تحط فيه الحاجات اللي عايز ترميها؟” لمدة ثانيتيين الراجل معملش أي رد فعل. وبعدين مد إيده أخد الكيس، ابتسم وشكرني بحركة من إيده :)ا

يا ريت لو اتيحت لنا الفرصة، نهذّب سلوكيات اللي حوالينا (وسلوكياتنا قبلهم) بس أهم حاجة.. فين الإبتسامة الحلوة؟ :)ا


Responses

  1. حركة جامدة

  2. really nice one :)

  3. شكرًا، حلمي وحافظ :))

  4. من بكره الكيس مش هيفارق العربيه
    D:D:D:

  5. برافو برافو، محمود :) :) :) أنا سعيدة :)

  6. الحل انه يكون في قانون..انه اللي يرمي حاجة من شبابيك العربية ..يدفع 10 او 20او حتى 50 جنيه مخالفة!!!

    ساعتها شوفي الشوارع حتكون نظيفة ازاي.!!!

  7. لحد مايبقى فيه حكومة عِدلة وحازمة، لازم نتصرف إحنا يا عروبة. أنا معاكي في موضوع الغرامة ده.

  8. ana kman b3mel keda fel metro, ely by2z2az leb batal3 mandeel w a2olo law sam7t ermy hena w lama te5las ermy fel basket :D !!
    we need to spread this attitude :)

  9. Oh, ya Sara bravo! I did not have the courage to do that in the past. Sometimes, I’d pick up a biscuits wrapping dropped by a child so his mom would be a bit embarrassed and tells her boy not to throw stuff on the ground.

    Proud of you! :D


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Categories

%d bloggers like this: